اسلام آباد : استعفوں کی منظوری متعلق پی ٹی آئی ارکان اسمبلی نے اسلام آباد ہائی کورٹ سے رجوع کرلیا۔

تحریک انصاف کے ارکان اسمبلی نے استعفوں کی منظوری متعلق اسلام آباد ہائی کورٹ میں درخواست دائر کردی۔ درخواست میں استدعا کی گئی ہے کہ عدالت اسپیکر کو ہدایت دے وہ استعفے منظوری متعلق اپنی آئینی ذمہ داری پوری کرے اور حکم دے کہ وہ درخواست گزاروں اور دیگر 112 ارکان کو بلائے۔ پی ٹی آئی ارکان کی جانب سے کہا گیا ہے کہ اسپیکر تحقیق کرلے جنھوں نے استعفے دیے انھوں نے آرٹیکل 64 کے تحت مرضی سے استعفے دیے۔

درخواست میں کہا گیا کہ قانون کے مطابق پٹشنرز کو سنے بغیر اسپیکر استعفوں متعلق اطمینان نہیں کر سکتا ، ابھی الیکشن کا اعلان نہیں ہوا 123 ارکان کے استعفوں کو ایک ساتھ دیکھا بھی نہیں گیا، اس لیے پٹشنرز کا استعفوں سے متعلق لیٹر موثر نہیں رہا۔ دائردرخواست میں کہنا ہے کہ ممبر اسمبلی شکور شاد کا استعفی منظور ہوا تو انہوں نے درخواست دی اسپیکر نے سنے بغیر استعفی منظور کر لیا اور شکور شاد کی درخواست پر ہائیکورٹ ان کا استعفی منظوری کا نوٹیفکیشن معطل کردیا۔ پی ٹی آئی ارکان نے کہا کہ پٹشنرز اسپیکر کے سامنے پیش نہیں ہوئے اس لیے ان کے استعفے منظور نہیں ہوئے۔

درخواست گزاروں میں علی محمد خاں ، فضل محمد خان ، شوکت علی ، ڈاکٹر شیری مزاری اور ڈاکٹر شاندانہ گلزار ، فخر زمان خان ، فرخ حبیب، اعجاز شاہ ، جمیل احمد ، محمد اکرم شامل ہیں۔